Vino Tungalondolwela Antu pa Mwaka Wakwe 1914

Malembelo yakatukomelezya ‘kuya aiteyanye pa kwasuka antu’ pali vino twamanya, yakatuneena yati “mwacita cii na mazwi amutembo nu mucinzi.” (1 Pet. 3:15, 16) Nalyo kwene, limwi cikatukomela kulondolola icumi pali vino Baibo ikasambilizya, wiuzyo lyakuti ‘Uzye twasininkizya uli ukuti Uwene Wakwe Leza watandike ukuteka umu 1914?’ Pakuti twaomba ningo, kuli cipande ca mbali ziili icingatwazwa, icikweti umutwe wakuti “Kulanzyanya Ilyasi Lya Muli Baibo—A Lilaci Lino Uwene Wakwe Leza Watandike Ukuteka?” Vipande vii, vili mu Lupungu lwa Ciyemba luno tulapeela antu mu mulimo mu Okotoba na Novemba. Lino mukwelenganya pa vipande vii, mupituluke numu mauzyo yaa aali pisika pali vino kasimikila uwizina lyakwe Cameron waomvile.

Uzye waomvizye uli . . .

• kutaizya lino atatala watandika ukusimikila?—Mili. 17:22.

• kuiceefya lino akulondolola vino wamanya?—Mili. 14:15.

U mulandu ci uno cazipiile pali vino . . .

• watalanga apitulukamo lino atali alande ivisinka na vyuze?

• watalanga ata ukulanda alino auzya wino akusimikilako ndi cakuti aatauvwa pali vino aatalondolola?

• atalandanga ivyeo ivingi pa muku onga? —Yoa. 16:12.

Ala mwandi tukataizya Yeova, Kasambilizya wa Papelapela, pa kutusambilizya vya kulondololola icumi cizike icaaya muli Baibo kuli yonsi aakalondesya ukuvwa!—Eza. 30:20.