Cipande ca Mauzyo

◼ Uzye a lilaci lino cingalinga ukuta ukusambilila Baibo nu musambi?

Ndi cakuti umusambi asikulunduluka, limwi mungata ukusambilila nawe, nomba mutafwile ukumusosya. (Mate. 10:11) Mufwile ukwelenganya apa mauzyo yaa: Uzye mukasambilila lyonsi kulingana na vino mwapangana nawe? Uzye akapekanyizizya calimwi vino mulasambilila? Uzye akatala aizapo umu kulongana? Uzye akanenako yauze vino akusambilila? Uzye akasenuka muli vimwi vino akacita pakuti alondela ivisinte vya muli Baibo vino akusambilila? Ukuya kwene, mulinzile ukulola umusinku wa musambi alino na maka yakwe, nupya mufwile ukumanya ukuti antu yasilundulukila pamwi muli vyakwe Leza. Nakupya, ndi mwata ukusambilila nu musambi, mulinzile ukumunena ukuti ndi cakuti aangatemwa ukusambilila Baibo nupya, mulatandika ukusambilila nawe.​—1 Tim. 2:⁠4.