Uzye Mukaomvya JW Laibulale?

JW Laibulale ingalenga ukuti mukope Baibo alino ni mpapulo zyuze, mavidyo alino na mazwi awelengwe akopelwa limwi, mungakopa ivintu vii nu kuvika muli foni inu, tabuleti nanti muli kompyuta, nupya mungakopa sile uwila.

VINO MUNGAKWATA JW LAIBULALE: Mufwile ukuyula intaneti, alino nu kwingizya JW Laibulale nga lino mukopela pa kaombelo kinu. Mungakopolwela JW Laibulale apa matabuleti na pa makompyuta apusane-pusane. Ndi umuyula intaneti, mwayula na JW Laibulale, alino lyene musooolola vino mukulonda mukopolwele pa kaombelo kinu. Ndi cakuti mutanga mukwanisye ukuyula intaneti apa mwinu, limwi mungayula lino muli apa Ng’anda ya Wene, lino muli apa ng’anda ya muzo nanti uku cifulo kuno antu aingi yakawelengela nanti kuuze sile kuno muli. Ndi cakuti mwakopa sile impapulo umu kaombelo kinu, ale mutalalondekwa na Intaneti pakuti ziyulike nupya, ala izingila mpiti. Nomba pa mulandu wakuti cila nsita yakaika ivipya pa JW Laibulale, insita izingi mulinzile ukulayula Intaneti nu kukopa ivipya ndi cakuti apano vili.

U MULANDU CI UWA KUKWATILA JW LAIBULALE? JW Laibulale ika-avwa sana pa kuisambilizya Baibo alino nu kulondelamo ningo mu malyasi lino tukulongana. Nupya ingatwavwa sana lino tukusimikila. Yamwi yazana ukuti JW Laibulale ikayavwa sana lino yakusimikila ukuli konsi, pano yangalanzyanya ivyeo ivyayamo nu muntu umu mucenjelo.