“Mukwai Namayako! Ntumini!”

Tulinzile ukukolanya vino Ezaya waipeelisye. Wali sana nu utailo nupya ukwaula nu kusumba insita wazumile ukuti angapita umu kuomba umulimo nanti cakuti atamanyile ivingi pa mulimo uwo. (Eza. 6:8) Uzye namwe mungaalula uwikazi pakuti muye umu kuombela uku cifulo ukukalondekwa ya kakosoola ya Wene aingi? (Masa. 110:3) Icacumi cacindama kutala ‘imupenduluka’ ivingasumbwapo lino mutatala mwakukila uku ncende yuze. (Luka 14:27, 28) Lelo mufwile ukuitemelwa ukuipeelesya pa mulandu nu mulimo wa kusimikila. (Mate. 8:20; Mako 10:28-30) Wakwe vivi kwene vino yalanda muli vidyo iyakuti Kukukila Uku Cifulo Ukukalondekwa ya Kasimikila Aingi, insansa zino twakwata izya kuombela Yeova zyacila pa nsansa zino tungakwata.

NDI MWATAMBA VIDYO, MWASUKE MAUZYO YAA:

• Uzye i vyani vino amu lupwa lwakwe ya Wilyamu yacisile pakuti yakaombele uku Ecuador?

• Uzye i vintu ci vino iisileko sana mano lino yasoololanga incende ukwa kuombela?

• I visuma ci ivyayacitikile?

• Uzye aekwi kuno mungazana ivyeo ivingamwavwa ukumanya incende ukukalondekwa sana ya kasimikila?

PA KUPEPA KWA LUPWA KUNO MULAKWATA MUCE MULANZYANYE MAUZYO YAA:

• Uzye tungalundulula uli umulimo wa kusimikila swensi umu lupwa? (km-CW 8/11 4-6)

• Ndi cakuti tutanga tukwanisye ukuombela ukukalondekwa ya kasimikila aingi, u mu nzila ci muno tungavwilizya icilongano cino twayamo? (w16.03 23-25)