Mungakomelezya Atonta Muli Ukapepa

Cila mwaka, Aina Klistu atonta muli ukapepa yakazanwa ku Ciusyo. Yatandike ukusimula ulwilo lwa kuya ku umi wa pe, lelo yatoovwike pa mulandu ni vikacitika umu umi, vimwi ivingalenga umwi ukutoovoka vyaya mu kabuku kaakuti Welini Kuli Yeova. (Ayeb. 12:1) Nomba nanti cingaya vivyo atovoke yonsi, Yeova wino wayakazile mu wazi wa Mwana wakwe, acili akayalola ukuti yacindama cuze. (Mili. 20:28; 1 Pet. 1:18, 19) Uzye lyene tungacita uli pakuti tuyavwe yawele ku cilongano?

Wakwe viivi kwene vino kacema akatwalilila kulonda imfwele iyatiponga, avino na ya eluda mu cilongano yakaezya na maka ukwazwa Aina Klistu atonta muli ukapepa. (Luka 15:4-7) Nu kucita vii kukalangilila vino Yeova waya nu kutemwa. (Yele. 23:3, 4) Swensi kwene, tungakomelezya atonta, asi ya eluda sile atupu. Ndi cakuti tukuya ni cikuuku nupya tukusakamala anji, Yeova akazanga sana nupya angatupolelela. (Mapi. 19:17; Mili. 20:35) Fwandi, mwaelenganya pali yano mungaya mukakomelezye, nupya mwayako zuwa ukwaula kusumba insita!

TAMBINI VIDYO YAKUTI MWAKOMELEZYA ATONTE, LYENE PACISILA MWASUKE MAUZYO YAA:

• I vyani vino Abbey wacisile lino wakomanyile na Nte umwi wino atamanyile nu kumanya?

• U mulandu ci uno tulinzile kunenela ya eluda ndi cakuti tukwelenganya pa kwazwa umwi umutonte muli ukapepa?

• Uzye Abbey waipekinye uli pa kuyatandalila Laura pa muku wakwe ciili?

• Uzye Abbey walangizye uli ukuti walondesyanga, watekinye nupya wali nu kutemwa lino wezyanga kukomelezya Laura?

• I vyani vino tungasambilila ku cilangililo cino Yesu walanzile icaya pali Luka 15:8-10?

• I visuma ci ivyacitike lino yaombiile pamwi ukwazwa Laura?