“Cino Leza Watalundanya . . .”

Isunde Lyakwe Mose lyalanzile ukuti muntu ndi akulonda kuta umuci, walinzile kupekanya citupa cakutanilapo. Isunde lii lyalenzile ukuti antu yataasimwilila kumala icupo. Nomba, umu manda yakwe Yesu, intunguluzi zya mapepo zyangupizye ukutana. Aonsi yatanga yamama yao pa milandu yasilesile. (“Kalata wakutaana” ivyeo vyakusambilila pali Mako 10:4, nwtsty;) Yesu walanzile icisinka cakuti Yeova u watandike nu kuzumilizya icupo. (“uwata umuci wakwe,” “ala walongozya” ivyeo vyakusambilila pali Mako 10:11, nwtsty) Iya nu muci yalinzile ukuya “umwili onga” nupya yalinzile kwikala pamwi manda pe. Lelo Malembelo yalanda pa cintu conga icingalenga icupo ukusila. Icintu cico, “uupulumusi” ukulingana na vino Mateo walanzile.—Mate. 19:9, NWT.

Antu aingi ndakai yakalola icupo wakwe vino caali uku Afaliseo. Lelo Yesu wene asi aali vino walolanga. Ndi yakwata intazi yakasimwilila ku kumala icupo. Lelo Aina Klistu aatwalana yene yacindika sana icupo. Nga yakwata intazi umu cupo yakalondela ivisinte vya muli Baibo. Mutambe vidyo yakuti Kutemwa nu Mucinzi Kukalenga Ulupwa Kuombela Pamwi. Apacisila cakutamba mwasuke mauzyo yaa:

• 

  Mungalondela uli ivyaya pa Mapinda 19:11 umu cupo? Nupya u mulandu ci uno cacindamila kucita vivyo?

• Uzye amazwi aya pa Mapinda 19:11 yangamwavwa uli ukumala intazi?

• Ndi cakuti icupo cinu cikulonda ukusila, i visinka ci vino mulinzile kwelenganyapo lino mutali mupingulepo kufuma ku cupo?

• Uzye amazwi aya pali Mateo 7:12, yangamwavwa uli kuya iya nanti umuci musuma?