Uzye Mukalola Miyele Yakwe Leza Iisiloleka?

Uzye ndi mwalola maluwa asuma, intanda mwi yulu, vipooma visuma, mukaelenganya pa maka yano Kaumba wakwata? Viumbwa vino tukalola vikalanga miyele yakwe Yeova iisiloleka. (Loma 1:20) Ndi twelenganya pa vintu vino tukalola, cikatwazwa kumanya ukuti Leza wakwata amaka, kutemwa, mano, mulinganya alino na ukapekape.—Masa. 104:24.

I milimo ci imwi yako Yeova ino mukalola cila wanda? Nanti cakuti mukaikala mu tauni, mufwile mukalola ivyunyi ku miti. Kwika sana mano kuli vino Yeova waumba kungatwazwa kucefyako masakamiko, kwika mano ku vintu vicindame nu kutaila sana ukuti Yeova alatwalilila kutusakamala manda pe. (Mate. 6:25-32) Ndi cakuti mwakwata ana, mwayazwa ukulola miyele yakwe Yeova iiyele. Ndi tukutaizya sana pa viumbwa vino tukalola, tulapalama sana kuli Kaumba witu.—Masa. 8:3, 4.

TAMBINI VIDYO YAKUTI VYAKUZUNGUSYA VINO LEZA WAUMBA VIKALANGA ULULUMBI LWAKWE—ULUSWEPO NA MAKAALA ALINO MWASUKE MAUZYO AALONDELELAPO:

• Uzye tukamanya uli makaala?

• I cani cikalenga kuye uluswepo?

• U mulandu ci uno tukalolela makaala apusanepusane mwi yulu?

• Uzye a makaala ci yano mukalola mu viumbwa kuno mwikala?

• U mulandu ci uno tulinzile ukwikila mano ku vintu vino Leza waumba?