Mwalola Kuisambilizya Ukuti Ali Cintu Cicindamisye

CINO CACINDAMILA: Kuisambilizya Baibo kukatwazwa kumanyikisya “kutemwa kuu vino kwasalala nu kutalimpa nu kusanzama nga nu kuzika.” (Efes. 3:18) Nupya kukatwazwa ukuya a kaele nu kuya afumaluke lino tukwikala mu nsi ii pa kasi kako ya kaifya na lino ‘tukuyanena mazwi yano yakapeela umi.’ (Filipi 2:15, 16) Kuisambilizya Izwi lyako Leza kukatwazwa na lino tukusoolola ivintu vya palwitu. Ivyani vino tungacita pakuti twaipakizya lino tukuwelenga nu kusambilila Baibo?

IVYA KUCITA:

• Mwasila nu kulemba mu vikomo vimwi muli Baibo winu uno mukaisambilizizyamo, mupulintwe nanti uwa pa foni nanti pa tabuleti

• Lino mukuisambilizya Izwi lyako Leza mwayuzya mweineco imuti: ‘Aweni? I cani? A lilaci? Aekwi? U mulandu ci? U munzila ci?’

• Mwazana visinka. Mwaomvya viombelo vino twakwata ivya kulondelako ivyeo, ivili wa malyasi yamwi nanti vikomo vimwi ivya muli Baibo

• Mwaelenganyapo sana pali vino mukuwelenga pa kuti mulole vino mungaviomvya

• Mwaomvya vino mukusambilila umu umi winu cila wanda. —Luka 6:47, 48

TAMBINI VIDYO YAKUTI “MWALEMASYA”—LINO MUKUISAMBILIZYA BAIBO, LYENE MWASUKE MAUZYO YAA ALONDELELAPO:

• Uzye antu yamwi yakalanda uli pa kuisambilizya Baibo?

• U mulandu ci uno cacindamila ukupepa lino tutali tutandike ukuisambilizya Baibo?

• I cani cingatwazwa sana ukuvwikisya amazwi aya muli Baibo?

• I vimanyililo ci vino limwi tungiika muli Baibo ino tukaisambilizizyamo?

• U mulandu ci uno cacindamila ukwelenganyapo sana lino tukuisambilizya Izwi lyako Leza?

• I vyani vino tulinzile kucita kuli vino tukuisambilizya?