VINO SWE INA KLISTU TWAAYA

Yeova Watemwa Antu Ya usaka

“Mwafulala uku minwe. Mwazifya muno mukaikala. Mwapyela umu ng’anda. Mwasumba ivikona.” Avyazi aingi yakasambilizya ana yao ivya kuya ausaka. Nomba vyonsi vino yakayasambilizya pa kuya ausaka vikafuma kuli Leza. (Kufu. 30:18-20; Malan. 23:14; 2 Kol. 7:1) Ndi cakuti tukusunga imili itu na vino twakwata ivya usaka, tukalanga umucinzi kuli Yeova. (1 Pet. 1:14-16) Nga mang’anda itu ni misolo tulinzile ukuvisunga uli? Ukupusanako na antu amuno nsi akasumba sumba sile ivintu umu miseo nanti umu ncende muno antu yakaizizya, Aina Klistu yalinzile ukwezya na maka ukusunga insi iya usaka. (Masa. 115:16; Umbw. 11:18) Nanti sile u kusumba utuntu utunono utuli wakwe utumapulasitiki, utubotolo nanti babugamu, kukalanga vino tukaelenganya pa usaka. Muli vyonsi vino tukacita umu umi, tukalondesya ukulanga ukuti “sweswe aomvi yakwe Leza.”—2 Kol. 6:3, 4.

TAMBINI VIDYO YAKUTI LEZA WATEMWA ANTU YA USAKA, ALINO MWASUKE MAUZYO ALONDELELAPO:

I vyani vimwi vino antu yakasombekezyamo ukuti i vikalenga yatasunga ivintu vino yakwata ivya usaka?
Uzye Masunde Yakwe Mose yalangililanga uli vino Yeova akaelenganya pa usaka?
Uzye tungalumbanya uli Yeova ukwaula ukulanda amazwi ali yonsi?

Ya isi yakwela muli motoka ali ni vikwi uwa mwanao; ya isi numwana yakulanzyanya pa masunde yakwe Yeova akalanda pa usaka; ya simapepo yaili amu Izlaeli yaimi apipi ni ca kufulalilamo ica mukuwa; iumba lya antu aakuya umu kusimikila lika muli motoka aakuloleka uwa usaka — Uzye ningalanga uli vino Yeova akaelenganya pa usaka muli vyonsi vino nkucita umu umi?