Mwaya Asipe Lino Impelelekezyo Ikupalama

UMULANDU UNO CACINDAMILA: Likwene sile, kuli nu kucitika ivintu vyakuzungusya ivilalondekwa ukuti tutaile sana Yeova nu kuya asipe ukuluta vino tukacita ndakai. Ucuzi ukulamba ulatandika lino imipepele ya ufi ilononwa. (Mate. 24:21; Umbw. 17:16, 17) Pa nsita kwene iya itale sana, tulaasimikila ilandwe lya upinguzi ilikome. (Umbw. 16:21) Tulazanzwa na Gogi wa ku Magogi. (Ezek. 38:10-12, 14-16) Apakucingilila antu yakwe, Yeova alaleta “ulwi ulacitika pa wanda wakwe Leza wa Maka Yonsi.” (Umbw. 16:14, 16) Pakuti tukatwalilile ukuya asipe lino ivintu vii vilacitika tulinzile ukutwalilila ukuya acumi umu ntazi zino tukakwata ndakai.

IVYA KUCITA:

• Mwatungilila nu kulondela masunde yakwe Yeova.—Eza. 5:20

• Mwatwalilila ukulongana pamwi na Aina Klistu yauzyo.—Ayeb. 10:24, 25

• Mwalondela utunguluzi uno iuvi lyakwe Yeova likatupeela.—Ayeb. 13:17

• Mwaelenganya pali vino Yeova wapuswisye antu yakwe ukucisila.—2 Pet. 2:9

• Mwapepa kuli Yeova, nupya mwamutaila.—Masa. 112:7, 8

TAMBINI VIDYO IYAKUTI: IVILACITIKA UKU NKOLEELO IVILALONDEKWA KUTI TUYE ASIPE—KAPUTULWA, LYENE MWASUKE MAUZYO ALONDELELAPO:

• 

  I ntazi cii ino yakasimikila yakweti lino cilongano cino yalimo cumunkine ni vilongano vyuze?

• 

  Uzye ukuya ni cuvwila kukatwazwa uli ukuya asipe?

• 

  U mulandu ci uno tulalondekelwa ukuya asipe lino kulaya Alamagedoni?

• 

  I lyasi ci ilya muli Baibo ilingatwazwa ukutaila ukuti Yeova wakwata amaka ya kutupususya?—2 Mila. 20:1-24