VINO SWE INA KLISTU TWAAYA
Mwacenjela Pakuti Mutasalanganya Malyasi ya Ufi
Ndakai ivyeo vingasalangana uku yantu aingi zuwazuwa kuomvya ma nyunzipepa, ledyo, TV, nanti intaneti. Antu akapepa “Leza wacumi” yasilonda ukulasalanganya malyasi yaufi nanti sile umu kukanamanya. (Masa. 31:5; Kufu. 23:1) Malyasi yaufi yano yangasalanganyiziwa yangalenga ivintu vipile yauze. Nga mukulonda kumanya ndi cakuti vimwi i vyacumi mwayuzya mweineco muti:
‘Uzye intaila ukwati kufuma ivyeo vii?’ Limwi akutunena ilyasi atanga amanye visinka vyonsi. Ndi cakuti antu yakulanda malyasi ku yantu yauze ilingi yakasenulamo vimwi, fwandi mwacenjela ndi cakuti mutamanyile uwatandike ilyasi lilyo. Pa mulandu wakuti antu yakataila sana ivyeo ivikafuma kuli yayo apeelwa imilimo mu cilongano, apeelwa imilimo yalinzile ukucenjela sana pakuti yatasalanganya ivyeo vino yatasininkizye.
‘Uzye ilyasi lii lingonona izina lyakwe umwi?’ Ndi cakuti lyasi lilyo lingalenga yamwi yatandike ukwelenganya viipe pa muntu umwi nanti api umba, cingazipa tutasalanganya ilyasi lilyo.—Mapi. 18:8; Filipi 4:8.
‘Uzye ningataila ilyasi lii?’ Mwacenjela lino mukuvwa malyasi akuzungusya alino na aakulanda pa vyacitike
TAMBINI VIDYO YAKUTI: NINGACITA ULI PAKUTI INTE ULWAMBO? ALINO MWASUKE MAUZYO ALONDELELAPO:
Kulingana ni lembelo lya Mapinda 12:18 i vyani ivingacitika pa mulandu nu kulanda mazwi aipe?
Uzye ilembelo lyakwe Filipi 2:4 likatwazwa uli ukulalanda ivisuma pali yauze?
Uzye tungacita uli ndi cakuti yamwi yatandika kulanda iviipe pa yantu yauze?
Lino tutatala twatandika kulanda pali yauze, a mauzyo ci yano tulinzile ukuyuzya sweineco?