Mwacincimuka Lino Mukusambilizya

Kucincimuka kwacindama sana. Kucincimuka kungalenga ya kakutika ukwikako sana mano kuli vino tukulanda. Nupya kukalanga nu kuti itucindika sana vino tukulanda. Usi mulandu ni nkulilo itu nanti vino twaya, tungacincimuka. (Loma 12:11) Tungacita uli vivyo?

Cakutandikilapo, mwaelenganya pali vino ivyeo vino mukulanda ivicindama. Mwakwata isyuko ilya kukosoola “ilandwe lisuma!” (Loma 10:15) Cakwe cili, mwaelenganya pali vino ilandwe lisuma lingavwa ya kakutika inu ukuya nu umi usuma. Yakalondesya ukuvwa kuli vino mukulanda. (Loma 10:13, 14) Ni cakusyalikizya, mwaaya aacincile lino mukuvwanga, mwaomvya umwili umucivyalilwa nupya mwasenula imilolekele iya cinso ukulingana na vino mukulandapo.

TAMBINI VIDYO IYAKUTI: MWAIPAKIZYA ULUZANGO ULWAYA MU KUPANGA ASAMBI—MWAZIFYA IMISIMIKILILE INU—MWACINCIMUKA LINO MUKUSAMBILIZYA, ALINO MWASUKE MAUZYO ALONDELELAPO:

• 

  I cani calenzile Anita ate ukucincimuka lino wasambilizyanga Judy Baibo?

• 

  I cani cazwilizye Anita ukutandika ukuya umucincimuke nupya?

• 

  U mulandu ci uno tulinzile ukwikila mano uku miyele isuma ino ya kakutika itu yakwata?

• Uzye ukucincimuka kungazwilizya uli yano tukasambilila nayo Baibo alino na antu yauze?