Mwalanga Ukutemwa mu Lupwa Lwinu

Kutemwa a gulu iikalenga aa mu lupwa ukuya alemane. Ndi cakuti umu lupwa musi ukutemwa, cikatala sana ukuya alemane nu kuombela pamwi. Uzye ya iya, aci na avyazi yangalanga uli ukutemwa umu lupwa?

Iya uwaya nu kutemwa akaika mano kuli vino umuci akulondekwa, vino akwelenganya na vino akuyuvwa. (Efes. 5:28, 29) Akaika mano kuli vino ulupwa lukulondekwa lwa kumwili na muli vyakwe Leza, ukwikako nu kukwata mapepo ya lupwa lyonsi. (1 Tim. 5:8) Umuci uwaya nu kutemwa akatontela nu kucindika sana iya wakwe. (Efes. 5:22, 33; 1 Pet. 3:1-6) Atwalane yalinzile ukulaitemelwa ukwelelana. (Efes. 4:32) Avyazi aaya nu kutemwa yakaika sana mano kuli vino cila mwana akulondekwa nu kuyasambilizya ukutemwa Yeova. (Malan. 6:6, 7; Efes. 6:4) I ntazi ci zino ana yao yakakwata ukusukulu? Uzye yakacita uli ndi cakuti auze yakuyapatikizya ukucita iviipe? Ndi cakuti mu lupwa muli ukutemwa, yonsi aa mu lupwa yakayuvwa ukuti acingililwe.

TAMBINI VIDYO IYAKUTI: TWALILILINI UKULANGA UKUTEMWA MU LUPWA LWINU? ALINO MWASUKE MAUZYO ALONDELELAPO:

• 

  Uzye iya uwaya nu kutemwa akasakamala uli nu kucindika umuci wakwe?

• 

  Uzye umuci uwaya nu kutemwa akalanga uli ukuti wacindika sana iya wakwe?

• 

  Uzye avyazi aaya nu kutemwa yakasambilizya uli ana yao ukutemwa Yeova?