Twalililini Ukuisambilizya Pakuti Mwamanya Cisuma ni Iciipe

Aakasimula ulwilo ulwa kucimvyanya yakatwalilila ukuisambilizya pakuti umwili welezya. Umu nzila ili imwi kwene, tulinzile ukutwalilila ukuisambilizya pakuti tukwate amaka aakumanya icisuma ni ciipe. (Aeb. 5:14) Nanti cakuti insita zimwi tungelezya ukukonkelezya sile vino yamwi yakacita, tulinzile ukwezya na maka pakuti twayelenganyizizya nu kuisoolwela ivyakucita. U mulandu ci? Pano cila muntu alailondolwela kuli Leza pali vino akacita.—Loma 14:12.

Tutalinzile ukwelenganya ukuti lyonsi twakulapingula ningo pa vintu pa mulandu wakuti palengela ukufuma pano twabatiziwilwe. Pakuti twapingula ningo pa vintu, tulinzile ukusintilila pali Yeova, Izwi lyakwe, alino ni iuvi lyakwe.—Yoswa 1:7, 8; Mapi. 3:5, 6; Mate. 24:45.

TAMBINI VIDYO IYAKUTI “MWAYA NA KAMPINGU UMUSUMA,” ALINO MWASUKE MAUZYO ALONDELELAPO:

• 

  I vyani vino ya Emma yalondekwanga ukupingulapo?

• 

  U mulandu ci uno tutalinzile ukuneenela yauze ivyakucita uku vintu ivikumile kampingu?

• 

  U kusunda ci kuno atwalane yamwi yaneenyile ya Emma?

• 

  Aekwi kuno ya Emma yazanyile ivyeo ivyakuyazwa pa ntazi ino yakweti?