Mwe Yacance—Mwalondolwela Avyazi Inu Vyonsi Ivili ku Mwenzo

U mulandu ci uno mulinzile ukulanenela avyazi inu vino mukwelenganya? (Mapi. 23:26) A pa mulandu wakuti Yeova wayapeela umulimo wa kumusakamala nu kumutungulula. (Masa. 127:3, 4) Cingayatalila sana ukumwazwa ndi cakuti musikuyanena vyonsi ivikumusakamika ni vikumucuzya. Nupya mutanga musambilile uku vintu ivyayacitikila umu umi wao. Uzye ciipa ukukanayanenako ivintu vimwi? Awe foo, lelo mulinzile ukucenjelela pakuti mutabepa avyazi inu nu kuti yatataila ivintu ivya ufi.—Mapi. 3:32.

Uzye mungalanzyanya uli na avyazi inu? Mwasoolola insita iingamuzipila nu kuzipila avyazi inu. Nga catala ukucita vivyo, mungayalembela kalata pakuti muyanene vino mukuyuvwa. Nomba nga ndi cakuti yakulonda ukulanzyanya namwe api lyasi lino musikulonda ukuti mulanzyanye nayo? Mwaiusya ukuti yakalonda sana ukumwazwa. Mwalola avyazi inu ukuti aacuza inu asi yalwani inu foo. Ndi cakuti mukwezya na maka ukulanzyanya na avyazi inu ukufuma pansi ya mwenzo, cilalenga ukuti mwaipakizya umu umi winu onsi, kuli kuti manda pe.—Mapi. 4:10-12.

TAMBINI VIDYO IYAKUTI LINO NCILI UMULUMENDO NANTI UMUKAZYANA—UZYE NINGALANZYANYA ULI NA AVYAZI YANE? ALINO MWASUKE MAUZYO ALONDELELAPO:

• 

  I vyani vino Esther na Partik iizile iiluka?

• 

  I vyani vino mungasambilila kuli Yesu?

• 

  Uzye avyazi inu yakalanga uli ukuti yakamusakamala?

• 

  I visinte ci ivya muli Baibo ivingamwazwa ukulalanzyanya ningo na avyazi inu?