Mwaazwa Asambi Inu A Baibo Ukucimvya Imiyele Iipe

Yayo sile aya ni miyele isuma angaipakizya ucuza upalamisye na Yeova. (1 Pet. 1:14-16) Ndi cakuti asambi ya Baibo yacimvya imiyele iipe, yangaya ni nsansa umu lupwa, kuya nu umi usuma, nupya yangamanya ivyakuomvya ningo impiya.

Mwayalondolwela ningo masunde yakwe Yeova, mulandu uno yayelako, nu usuma uwaya umu kulondela masunde yayo. Mwaika amano uku kwazwa asambi inu ukusenula imyelenganyizizye yao, nupya ukucita vivyo kulalenga yacita vino Yeova akalonda. (Efes. 4:22-24) Mwaleka yasininkizya ukuti Yeova angayazwa ukuta ukuya ni miyele iipe ino yakwata pa nsita itali. (Filipi 4:13) Mwayasambilizya ukuti yapapata kuli Yeova umwi pepo nga yacita uluyembu ulukalamba. Nupya mwayazwa ukumanya vino yalinzile ukutalukako ivingalenga yeziwe. Mwayakomelezya ukulacita ivintu ivisuma ivingayazwa ukuta ukuya ni miyele iipe. Mulaya nu luzango nga mwalola vino Yeova akwazwa asambi inu a Baibo ukusenuka.

TAMBINI VIDYO YAKUTI MWAAZWA ASAMBI INU A BAIBO UKUCIMVYA IMIYELE IIPE, ALINO MWASUKE AMAUZYO ALONDELELAPO:

• 

  Uzye ya eluda na Anita yalangizye uli ukuti yasininkizye ukuti Judy angasenuka?

• 

  I vyani na vyuze vino Anita wacisile pa kwaza Judy?

• 

  Uzye Judy walenzile uli uwazwilizyo kuli Yeova?