I Vyuza ci Vino Mwakwata pa Intaneti?

Cuza u muntu umwi wino mwalemana sana, wino mukauvwana nawe, mwatemwana, alino nu kumanyana ningo. Wakwe, ucuza ukome uno Yonatani na Davidi yakweti watandike lino Davidi wakomile Golyati. (1 Sam. 18:1) Cila muntu walangizye imiyele iyalenzile umuze alondesya ukuya cuza. Fwandi ukuya na ucuza ukome kwasintilila apa kumanya ningo umuntu. Pa kuti mumanye ningo umuntu cikalondekwa ukuombesya nupya cikasenda insita. Nomba pa intaneti pene, antu yakaya ya cuza pa kasita sile akanono. Antu nga yakuomvya intaneti, cangupala sana ukuifisa vino yaaya pa mulandu wakuti yakapekanyizizya calimwi vino yamalanda alino nu kwelenganyizizya limwi vino antu yamayalola. Fwandi, caya ningo ukwelenganyapo sana lino tukusoolola aamaya ya cuza pa intaneti. Ndi cakuti umwi wino mutamanyile ningo akulonda ukuya cuza winu apa intaneti, mutalinzile ukutiina ukuti nga mwakana ukuya cuza wakwe mumamusosya. Pa mulandu ni viipe ivingacitika pa intaneti, yamwi yasoololapo ukukanaiomvya. Lelo, ndi cakuti mwemo mwasoololapo ukulaomvya intaneti, i vyani vino mulinzile ukulaiusya?

TAMBINI VIDYO YAKUTI UWACENJELA LINO UKUOMVYA INTANETI, ALINO MWASUKE AMAUZYO ALONDELELAPO:

• 

  I vyani vino mulinzile ukwelenganyapo lino mutatala mwalemba vimwi nanti ukwika ivikope pa intaneti?

• 

  U mulandu ci uno mulinzile ukusoolwela ningo ivyuza ivya pa intaneti?

• 

  U mulandu ci uno mulinzile ukwimikila limwi insita ino mwakulamala lino mukuomvya intaneti?—Efes. 5:15, 16