Kuombako Upainiya

Tukaomvya ningo amaka itu ndi cakuti tukwimika amauyo muli vyakwe Leza. (1 Kol. 9:26) Mauyo yakatwazwa ukulaomvya ningo insita lino impelelekezyo itali ifike. (Efes. 5:15, 16) Pa kupepa kwa lupwa, mungimika mauyo yano mungaca mufikilizye umu mwaka wa mulimo uwalondelelapo. Pa kumyazwilizya, mu kabuku kaa muli vipande ivikulanda pa mauyo yano mungimika nu kupepelapo.—Yako. 1:5.

Wakwe, uzye aa mu lupwa yangaombela pamwi pakuti yatungilile wenga aombeko upainiya wa nsita yonsi? Nga mukutwisika ndi cakuti mungakwanisya ukuomba maawazi aakalondekwa, mungalanzyanyako na ya painiya yamwi aakweti intazi ili imwi naino mukweti. (Mapi. 15:22) Limwi mungamako painiya umwi pa kupepa kwa lupwa nu kumuzya vino akacita. Lyene mungalemba vino imutantika. Nga mwaomvilepo upainiya ukucisila, mwelenganyepo pakuti mulole ndi cakuti mungaomba upainiya nupya kwene.

Uzye yamwi aa mu lupwa lwinu yangaombako upainiya wa nsita inono mwezi onga nanti ukucilapo? Ndi cakuti mutanga mukwanisye ukulaomba amaawazi aingi mu mulimo, limwi lino mukuomba upainiya wa nsita inono mungaombako insita inono cila wanda. Ndi cakuti musikwata insita yakuomba umulimo wa kusimikila mukasi ka mulungu pa mulanda wakuti mukaomba incito nanti mukaya ukusukulu, limwi mungasoololapo ukuomba upainiya uwa nsita inono mu mwezi ukweti maolide nanti ukweti imilungu 5. Pali kalenda, mulembepo insita ino imupekanya ukuti mukaombeko upainiya wa nsita inono nupya mulembe na vino imutantika ukuti mukaombe.—Mapi. 21:5

TAMBINI VIDYO IYAKUTI MWAYA ASIPE . . . MWE YAPAINIYA, ALINO MWASUKE IUZYO ILYALONDELELAPO:

• Uzye ivyacitikile nkazi Aamand vikumusambilizya cani pali vino Yeova akasakamala yayo aakaipelesya ukuomba upainiya?