IVYUMA IVYAYA UMWI IZWI LYAKWE LEZA

Vino Tungasambilila Uku Ncesi Ziili

Yakuzile incesi ziili zikulu pa mulyango wi tempele pakuti antu yonsi yangazilola (1 Yamw. 7:15, 16; w13 12/1 ifwa 13 pala. 3)

Incesi yazitemiile mazina akweti upiliulo (1 Yamw. 7:21; it-1 ifwa 348)

Yeova wali nu kwazwa antu ukukuula itempele ndi cakuti yataila muli aliwe (1 Yamw. 7:21; Masa. 127:1)

Yeova watwazwile ukucimvya intazi izingi pakuti sile tusambilile icumi. Nomba tulinzile ukutwalilila ukusintilila pali aliwe pakuti tuye “akome umu utailo.”—1 Kol. 16:13.

Vikope ivipusanepusane ivili pa cikope conga: 1. Umwanaci wazumila ukupoka kabuku kakuti “Mungaya ni Nsansa Manda Pe!” kuli nkazi. 2. Umwanaci akwelenganya sana pa cielezyo cino wakwata ica kupeepa fwaka lino akubelenga ibuku lyakuti “Mungaya ni Nsansa Manda Pe!” ala ali pa ng’anda. 3. Umwanaci wabatiziwa.

MUYUZYE MWEINECO MUTI, ‘Uzye nkalanga uli ukuti nasintilila pali Yeova?’