Cupo—Aucuza Ukayako Manda Pe

Icupo ca Ina Klistu icisuma cikalenga Yeova ukulumbanyiziwa nupya cikalenga iya nu umuci ukuya ni nsansa. (Mako 10:9) Pakuti atwalane yakazizimizya intazi, nu kuya ni nsansa, Aina Klistu yalinzile ukuomvya ivisinte ivya muli Baibo lino ya kusoolola uwa kutwalana nawe.

Mwatandika ukwizizyanya ndi cakuti mwacila “pa musinku wa wance,” insita ino ukuya sana ni nsuna kungalenga mufilwe ukupingulapo ningo pa vintu. (1 Kol. 7:36) Mwakomya ucuza winu na Leza nu kutwalilila ukuya ni miyeele iya Wina Klistu lino mucili asimbe. Kucita vivyo, kulalenga icupo cinu ukuya ningo.

Lino umwi atatala wapingulapo ukutwala nanti ukutwalwa, cacindama ukumanya vino umuntu waya “mukasi umu mwenzo.” (1 Pet. 3:4) Ndi cakuti mwatandika ukutwisika pali vimwi, mwalanzyanya na wino mukulonda ukuti mukatwalane nawe. Wakwe vino caya kuli yauze umu lupwa, atwalane yalinzile ukwika sana mano kuli vino yangacitila ya wao kucila ukwika sana mano kuli vino yakulonda ya wao yayacitile. (Filipi 2:3, 4) Ndi cakuti mukuomvya ivisinte ivya muli Baibo lino mutatala mwatwalana, cilamwangukila ukucita vivyo na lino mwatwalana nupya cilalenga muye ni nsansa umu cupo.

TAMBINI VIDYO IYAKUTI VINO MUNGAIPEKANYA LINO MUTATALA MWATWALA NANTI UKUTWALWA—CIPUTULWA 3: ‘MWAPENDULUKA,’ ALINO MWASUKE MAUZYO ALONDELELAPO:

• Uzye ivintu vyali uli lino nkazi watandike ukwizizyanya na ya Shane?

• I vyani vino nkazi waweni lino wamanyile ningo ya Shane?

• Uzye avyazi yakwe nkazi wii yamwazwilizye uli, nupya i vyani vino wapingwilepo ukucita?