Mwaipekanyizizya Limwi Uku Milwazizye Iya mu Kupumikizya

U mulandu ci uno mulinzile ukuipekanyizizya limwi? Kulwala nu kumiteeka umu cipatala vingacitika umu kupumikizya nupya ukwaula ukwenekela. Fwandi ikwene, ali nsita ino mulinzile ukuipekanyizizya limwi pakuti yakamilwazye ningo ndi cakuti ivya musango uu vyacitika. Nga mwacita vivyo, ala mukulanga ukuti mwacindika umi ni sunde lyakwe Yeova ilikalanda pa wazi.—Mili. 15:28, 29.

I vyani vino mungacita pakuti muipekanye?

• Mulinzile ukupepelapo nu kusaina ningo icitupa icakumvwangilako lino nkulwaziwa (DPA).a Ya kasimikila aabatiziwa yangapoka kaadi yakwe DPA uku muomvi uwa mpapulo na Kaadi ya Mwana (ic) iya yana yao anono

• Ndi cakuti muli ni nda, munganena ya eluda ukuti yamupeele fomu iyakuti Ivyeo Vyakwe Ya Namayo Ali Nindilwa (S-401). Fomu ii ilamwazwa ukupingulapo ningo pali vino mulinzile ukulwaziwa ndi cakuti vimwi vyacitika lino muli pa ukulu nanti pa kupaapa

• Ndi cakuti mulalondekwa imilwazizye iikumile uwazi nanti ukuti yamuteeke umu cipatala, mulinzile ukumanyisya limwi ya eluda nu kunena aa ku cipatala ukuti yamwi ukufuma kuli Ya Nte Yakwe Yeova yaliza

Uzye ya eluda yangamwazwa uli? Ya eluda yangamwazwa ukusaina kaadi yakwe DPA. Lelo yatalamupingwila inzila ino mulinzile ukulwaziwamo nanti ukumunena vino yene yangapingulapo ndi cakuti yali aliyo. (Loma 14:12; Gala. 6:5) Ndi cakuti mwanena ya eluda ukuti milwazizye inu ingakuma uwazi, papo kwene sile yalatumila aaya muli Komiti ya Kulanzyanya ni Vipatala (HLC) pakuti yamwazwe.

Uzye Komiti ya Kulanzyanya ni Vipatala ingamwazwa uli? Aina aaya muli komiti ii, yasambiliziwa ningo ivya kulanzyanya na aomvi aa ku vipatala na aakalamba amu mizi pa kuyalondolwela ningo vino swemo twazumilamo ukulozya uku wazi. Yangalanzyanya ningo na yano yakumilwazya pakuti yamilwazye ningo ukwaula ukuomvya uwazi. Nga calondekwa, yangamulondela dokota uwakuti amulwazye ukulingana na vino mukulonda.

TAMBINI VIDYO IYAKUTI VINO MUNGAPINGULA PA MILWAZIZYE IIKUMILE UWAZI, ALINO MWASUKE IUZYO ILILONDELILEPO:

• I vyani vino mwasambilila muli vidyo ii ivingamwazwa ukuipekanyizizya limwi uku milwazizye iya mu kupumikizya iingakuma uwazi?

  Your answer