VINO SWE INA KLISTU TWAAYA
Mwalonda Ukumanya Vino Leza Akaelenganya
Tukalonda ukuzanzya Yeova muli vyonsi vino tukaacita. (Mapi. 27:11) Pakuti tucite vivyo, tulinzile ukulapingula pa vintu ukulingana na vino Yeova akaelenganya nanti cakuti pataaya isunde ilya mukulungatika ilikalanda pa vintu vivyo. I vyani ivingatwazwa ukucita vivyo?
Mwatwalilila ukuisambilizya Baibo lyonsi. Lyonsi lino tukubelenga Baibo, cikaaya kwati tuli pamwi na Yeova. Tungamanya vino Yeova akaelenganya ndi cakuti tukwelenganya pali vino waomvile na antu yakwe aa ku cisila alino na vino wacisile uku yantu aacitanga ivisuma na kuli yayo aacitanga iviipe. Ndi cakuti tukulonda ukupingula pali vimwi, umupasi uwa muzilo ungatwazwa ukwiusya amasambililo aacindame ni visinte vino twasambilila umwi Izwi Lyakwe Leza.—Yoa. 14:26.
Mwalondelezya. Ndi cakuti mukulonda ukupingula pali vimwi, mwayuzya imuti, ‘I vikomo ci nanti a malyasi ci aa muli Baibo aangangazwa ukumanya vino Yeova akayuvwa pa vintu vii?’ Mwapepa kuli Yeova ukuti amwazwe, nupya mwaomvya iviombelo ivya kulondelezyamo ivyeo ivyaya umu lulimi lwinu pakuti vimwazwe ukuzana ivisinte ivya muli Baibo alino nu kumanya vino mungaviomvya ukulingana na vino mukulonda ukupingulapo.—Masa. 25:4.
TAMBINI VIDYO IYAKUTI TULINZILE ‘KUSIMULA NU MUKOZYA’—UKULYA IVYAKULYA VISUMA, ALINO MWASUKE MAUZYO ALONDELELAPO:
I vyani vino nkazi uwacance wino itwatamba muli vidyo yamupatikizyanga ukucita?
Uzye mungaomvya uli iviombelo vino tukaomvya pa kulondelezya ivyeo pakuti mucimvye intazi izikolaneko na zino nkazi aalali muli vidyo wakweti?
I visuma ci ivikacitika ndi cakuti tukukwata insita iya kulondelezya alino nu kuisambilizya? —Aeb. 5:13, 14.