VINO SWE INA KLISTU TWAAYA
Mwailola Wakwe Vino Yeova Akamulola
Yeova akazangila mu antu yakwe. (Masa. 149:4) Nanti cakuti tutamalilika, Yeova akalola imiyele itu isuma na vino tukalondesya ukumuombela. Nomba insita zimwi, cingatutalila ukulailola wakwe vino Yeova akatulola. Nupya pa mulandu na vino yauze yakatucitila, limwi tungailola ukuti tutacindama. Nanti limwi nga twatandika ukwelenganya pali vino twaluvyanyizye mpiti, tungatwisika ndi cakuti Yeova watutemwa. Nomba i vyani ivingatwazwa ndi cakuti twatandika ukuyuvwa vivyo?
Tulinzile ukwiusya ukuti vino Yeova akalola ivintu asi ali vino antunze yakavilola. (1 Sam. 16:7) Cii cikupiliula ukuti vimwi vino Yeova akalola muli sweswe, limwi na sweineco tutanga tuvilole. Lelo Baibo ikatwazwa ukumanya vino Yeova akatulola. Tungamanya vino Yeova akatulola ndi cakuti tukubelenga nu kwelenganyapo sana pa vikomo na malyasi aaya muli Baibo aakalanda pali vino Yeova watemwa yakapepa yakwe.
TAMBINI VIDYO IYAKUTI MWAPEPA KULI YEOVA PA KUCIMVYA AMELENGANYO AIPE, ALINO MWASUKE AMAUZYO ALONDELELAPO:
Uzye icilangililo ca mwana alakusimula alino na isi cikutusambilizya vyani pali vino Yeova akatulola?
Ndi cakuti umuntu uwacita uluyembu ulwipisye akucita vimwi ivikulangilila ukuti akulonda ukuzifya ucuza wakwe na Yeova, uzye angasininkizya uli ukuti Yeova wamutemwa?—1 Yoa. 3:19, 20
Uzye ukubelenga nu kwelenganya pa malyasi aakalanda pali Devedi na Yeosafati kwazwilizye uli umwina?