VINO SWE INA KLISTU TWAAYA

Uzye Mwaipekanyizizya Limwi Uku Kukoma Kwa Mitengo?

Tusizunguka ndi cakuti twalola kuno vintu ivikucitika umu nsi vikulenga imitengo ya vintu ukukomelako. U mulandu ci? Pano tukwikala umu manda aakusyalikizya nupya Baibo ikatucelula ukuti tutalinzile ukutaila “ivyuma ivikaononeka.” (1 Tim. 6:17; 2 Tim. 3:1) Uzye vino Umwene Yeosafati wacisile vikatusambilizya vyani pali vino tulinzile ukuipekanyizizya limwi uku kukoma kwa mitengo ya vintu?

Lino Yeosafati yamutinyizye uku yalwani yakwe, wataile muli Yeova. (2 Mila. 20:9-12) Nupya waipekanyizizye limwi lino wakuuzile imisumba iya malinga alino nu kwika asilika aingi umu misumba. (2 Mila. 17:1, 2, 12, 13) Wakwe vino Yeosafati wacisile, naswe kwene tulinzile ukutaila Yeova nu kuipekanyizizya limwi uku ntazi izingiza uku nkoleelo.

I VYANI VINO TUNGACITA PAKUTI TUIPEKANYIZIZYE LIMWI PA KUKWELA KWA MITENGO?

Mwakomya ucuza winu na Yeova: Mwateeka imyenzo kuli vino mukweti, nupya mwataila ukuti Yeova wakwata amaka akumupeela vino mukalondekwa cila wanda. (Mate. 6:26; 1 Tim. 6:8) Mutaaleka ukulondela ivisinte ivya muli Baibo pakuti sile mukwate vino mukulondekwa umu umi. (Loma 2:21) Mungacita uli pakuti mutwalilile ukubelenga Baibo ni mpapulo izikalanda pali Baibo ndi cakuti malaiti nanti intaneti vyata ukuomba? Mwasungila limwi impapulo zimwi izipulintwe, nupya ndi cakuti cingacitika, mwacitila limwi daunilodi impapulo pa viombelo vinu.

Mwaipekanya muli vino mukalondekwa: Mwacefya inkongole nupya mutaakala ivintu ivisikulondekwa sana pakuti citakamutalile lino ivintu vyatala. (Mapi. 22:7) Ndi cakuti cingacitika, mwasungila limwi ivyakulya alino ni vintu vyuze ivya kuomvya. Yamwi pakuti yataonona ulupiya yakapingulapo ukulima ka gadeni.

TAMBINI VIDYO IYAKUTI UZYE IMUIPEKANYA UKU UZANZO WA KUIPONELA? ALINO MWASUKE MAUZYO ALONDELELAPO:

Cikope kufuma muli vidyo iyakuti “Uzye Imuipekanya Uku Uzanzo wa Kuiponela?” Icikope cikulangilila Baibo, foni ni cola icakusenda nga kwacita uzanzo, alino na aomvi aa mu makuule.

I vyani vino tungacita pakuti tuipekanyizizye limwi uku mazanzo aakuiponela?

Your answer

Cikope kufuma muli vidyo iyakuti “Uzye Imuipekanya Uku Uzanzo wa Kuiponela?” Aina yakwazwilizya ukwatikucitika uzanzo lino yakuombako umulimo wa makuule alino nu kulongolola ivintu muli motoka.

Uzye tungaipekanya uli pakuti twazwilizyeko yauze nga kwacitika uzanzo?

Your answer