Kampeni Iiyele Iya Kunena Antu pa Wene Wakwe Leza Umu Sepetemba!

Mu Sepetemba, tulaomba umulimo uiyele wakunena antu pa Wene Wakwe Leza pakuti yamanye ukuti Uwene wakwe Leza sile ali uno ulafumyapo intanzi zino antunze yakakwata. (Mate. 24:14) Uzye mulaomba uli kampeni ii? Mukaanenako antu aingi ilembo ilikalanda pa Wene wakwe Leza mu Mwezi kwene uu. Ndi cakuti umwi walanga ukuti akulondesya ukusambilila, mukamupeela Lupungu Lwa Mulinzi lwakwe Na. 2 2020. Lyene mukaaswililako zuwa, nupya mukaezya ukutandika ukusambilila Baibo nu muntu wiyo ukuomvya kabuku kakuti Mungaya ni Nsansa Manda Pe! Yonsi akuombako upainiya wa nsita inono mu mwezi wakwe Sepetemba yangasololapo ukuomba maawazi 15 nanti 30.

Likwene sile Uwene Wakwe Leza wasya onone Mauteeko yonsi asiutungilila. (Dan. 2:44; 1 Kol. 15:24, 25) Lekini tukaomvye ningo isyuko lii liiyele uku kulanga ukuti tukatungilila Yeova nu Wene wakwe!