Vino Twaya Akaele na Vino Tukaelenganya

Tungalanga ukuti twaya acisinka kuli Yeova, asi sile muli vino tukalanda nu kucita lelo na muli vino tukaelenganyapo. (Masa. 19:14) Ali mulandu uno Baibo ikatunena ukuti tulinzile “ukwelenganya pa vintu vyonsi ivya cumi, ivintu vyonsi ivicindame, ivintu vyonsi ivilungame, ivintu vyonsi ivisanguluke, ivintu vyonsi ivyatemwikwa, ivintu vyonsi ivikalandwa ningo, ivintu vyonsi ivisuma, alino ni vintu vyonsi ivya kutaizya.” (Filipi 4:8). Ukuya kwene asi lyonsi lino tungacilikila imyelenganyizizye iipe ukukana ingila mu melenganyo itu. Lelo ukuikaanya kungatwazwa ukuta ukwelenganya pa viipe nu kutandika ukwelenganya pa visuma. Kutwalilila ukulaelenganya pa visuma kungatwazwa ukuya akaele muli vino tukacita.—Mako 7:​21-23.

Pisika lyakwe cila lembo, lembinipo imyelenganizizye ino tulinzile ukutalukako:

Loma 12:3

Luka 12:15

Mate. 5:28

Filipi 3:13