4 | Tukazana Ukusunda Ukusuma Muli Baibo

Vino Cikupiliula

Baibo asi ibuku umwaya ivya milembo, lelo mwaya ivyeo ivingazwa umuntu. Lolini vimwi ivikulangilila vivyo.

Vino Ukusunda Ukwaya Muli Baibo Kungamwazwa

“Antu apuma yasilondekwa uwa kuyapozya, suka alwale.”​—MATEO 9:12.

Baibo ikatukomelezya ukuti limwi tungalondekwa ukuti tulwaziwe. Antu aingi alwala ulwale uwa mu melenganyo yakayaazwa ukusambilila ivyeo vya cumi pa ntazi zino yakwata nanti ukulola ya dokota.

“Ukutukusya umwili kukaavwa”​—1 TIMOTI 4:8, Baibo uwakuti Contemporary English

Ukutukusya umwili kungamwavwa ndi cakuti mwalwala ulwale uwa mu melenganyo. Mulinzile ukulacita vivyo lyonsi, ukulya ivyakulya ivisuma, alino nu kulapuuza sana.

“Umwenzo wa nsansa umulembo usuma sana. Umwenzo utitikiziwe ukaumya amafupa.”​—MAPINDA 17:22.

Ukubelenga malyasi amuli Baibo akukomelezya, nu kwimika mauyo yano mungafikilizya kungalenga mwaya ni nsansa. Ndi cakuti mukwika mano ku vintu ivisuma umu umi nu kutaila ukuti ivintu vilaziipa uku nkoleelo, calamwazwa ukuzizimizya ulwale uwa mu melenganyo.

“Apali ukuicefya pene pakafuma amano.”​—MAPINDA 11:2.

Limwi mungazana ukuti musikukwanisya ukucita vyonsi vino mukulonda ukucita mweineco, fwandi mwazumila ukuti yauze yamwaazwa. Ya lupwa ni vyuza yangalonda ukumwazwa, nomba limwi ale yatamanyile ivyakucita. fwandi mwayaazwa ukumanya vino yangamwazwamo. Mutaenekela ukuti yamamicitilanga ivintu ivingi sana, nupya lyonsi mwataizya pali vino yamwazwa.

Vino Ukusunda Ukwa Muli Baibo ku Kwazwa Antu Akacula Ukundwala

“Lino na weni ukuti nsikuvwa ningo, nuzizyeko dokoto. Nawe wa nenyile ulwale uno nalwazile. Cico cangazwile ukuvwikisya intazi ino nakweti nu kusambilila pa milwazizye iyaliko iyali nu kulenga umi wane ukuya ningo.”—Ya Nicole,a alwala ulwale uwa kuvwa ulanda insita zimwi nu kuvwa insansa insita zyuze.

“Nazana ukuti ukubelenga Baibo lyonsi na mamane kukangazwa ukutandika uwanda ala indi na melenganyo asuma. Nupya amanda yamwi nga nacula ukucimvya intazi, ala icikomo cimwi cimanteekezya.”—Ya Peter, alwala ulwale uwakuvwa ulanda.

“Cantalilanga sana ukunena yauze pa ulwale uno nalwile pa mulandu wakuti nuvwanga insonyi. Nomba cuza wane umupalamisye wa nguvwikisyanga nupya wali ni cikuuku kuli nene. Wangavwile ukuti nayuvwa ningo nu kuyuvwa ukuti ntaya nenga.”—Ya Ji-yoo, alwala ulwale uwa kuvilwa ukulya (Eating disorder).

“Baibo yangavwa ukumanya ukuti ndinzile ukulapuuza sana alino nu kuomba icilinge. Amano ayamo yangazwa ukumanya vino ningacita pa ulwale uno nakwata.”—Ya Timothy, aakazizimizya ulwale uwakukanaikanya.