Ivingamwazwa Ukulondelezya

Impapulo Zya Kulondelezyamo Ivyeo pa Watchtower LAIBULALE WA PA INTANETI

Impapulo Zya Kulondelezyamo Ivyeo zingamwazwa ukusambilila pa malyasi apusanepusane. Impapulo Zya Kulondelezyamo Ivyeo izya pa intaneti zikakwata Ulondolozi wa Mazwi, ibuku lyakuti Insight on the Scriptures, Ibuku Ilya Kwazwa Inte Zyakwe Yeova Ukulondelezya Ivyeo, alino ni Cisontelelo Ica Mpapulo.

Ciputulwa ica kulondelezya ivyeo ica pa Watchtower LAIBULALE WA PA INTANETI cingamwazwa ukuzana ivyeo vino mukulonda. Lino mukulemba ivyeo vino mukulonda umu kambokosi, amazwi akolineko na vino mukulonda yakaiza pisika. Izwi lyakuti “Ilyasi” likaloleka uku mazwi aali yonsi aalembwa umu mpapulo zya kulondelezyamo ivyeo.

Ezyini vii: Lembini izwi lyakuti “Yeova” umu kambokosi akakulembamo (A). Tinikini api zwi ilyatiliza ilyakuti “Yeova” ilikweti izwi lyakuti “Ilyasi” ukumpela (B). Mumalola izwi lilyo umu mpapulo izipusanepusane.

Iciputulwa icakulondelezyapo ica pa “Watchtower LAIBULALE WA PA INTANETI.” A akulangilila izwi ililembwe umu kambokosi akakulembapo. B akulangilila izwi ilyakuti “Ilyasi” ilyatiliiza umu kambokosi apakaiza amazwi aakolineko ni zwi lino mukulonda.