Vino Mungacita Lino Mukuisambilizya

Manyilinipo na Vyuze Apa Miyeele Yakwe Yeova

Lino tukubelenga Baibo, tungaomvya iviombelo ivipusapusane pakuti tuvwikisye vino tukubelenga. Lelo tusilonda ukuisambilizya pakuti tumanye sile ivingi pali Baibo. Tukalonda ukumanya ivingi pali vino Yeova waya ivingalenga ukuti tumutemelweko. Pakuti twacita vivyo, tungaayuzya iuzyo lii, ‘I vyani vino icikomo cii cikunsambilizya pali Yeova?’

Tungalondelezya pali vimwi ivikalanga ukuti Yeova waya nu kutemwa, mano, umulinganya, alino na amaka. Lelo kwaya miyele ingi isuma ino Yeova wakwata ino tungaisambilizyapo. Uzye aekwi kuno mungazana ivyeo na vyuze ivikalanda pa miyeele yakwe?

Lolini imiyele na yuze ukucila pali 50 muli Watch Tower Publications Index pa mutwe wakuti “Yeova” lyene pa kamutwe kakuti “Miyeele.” Londelezyini imiyele imwi ikulingana ni lyasi lino mukubelenga. (Ndi cakuti mwakwata sile Ibuku Ilya Kwazwa Inte Zyakwe Yeova Ukulondelezya Ivyeo, yangini pa mutwe wakuti “Yeova Leza” lyene pa kamutwe kakuti “Miyele Yakwe Yeova.”)