Mwasambililako Uku Vikope

Umu mpapulo zitu mukaya ivikope ivingi ivikatusambilizya masambililo aingi acindame. Uzye ivikope vii vingatwazwa uli?

• Mwalola ivikope lino mutatala mwabelenga cipande. Ivikope vingalenga mwalondesya ukubelenga icipande. Ndi cakuti twalola ivyakulya ivisuma, tukalondesya ukulya. Vikwene avino cikaya ndi cakuti twalola ivikope, cikalenga twalondesya ukubelenga icipande. Fwandi lino mutatala mwatandika ukubelenga icipande mwayuzya imuti, ‘I vyani vino nkulola?’—Amo. 7:​7, 8.

• Lino mukubelenga icipande, mwaelenganya pa mulandu uno iikilamo ivikope. Mwabelenga amazwi ali pa cikope nanti ulondolozi wa cikope ndi cakuti iikamo. Mwaelenganya pali vino icikope icilemana ni lyasi ilikulandwapo alino ni vikumucitikila mu umi.

• Pa cisila ca kubelenga icipande consi, mwapituluka umu visinka ivikalamba ukuomvya ivikope. Lyene mwazyata nu kwezya ukwelenganya pa cikope alino na vino mukusambililako.

• Lolini vikope ivili muli magazini wii nu kulola ndi cakuti mumaiusya ivisinka vino mwasambilile.