Icilundumusi Icipisye Capisile Uku Turkey nu ku Syria—Uzye Baibo Yalandapo Uli?

Apa 6 Febuluwale, 2023, pa Mande icilundumusi icipisye capisile uku Turkey nu ku Syria.

• “Icilundumusi icikalamba cakomile antu ukucila pali 3,700 umu mpanga ya Turkey na Syria pa Mande. Cii cacitike ala ukuzuka sana, fwandi catalile antu aingi acisike na yano mang’anda yawile pa mulandu ni cilundumusi alino na aazwilizyanga apuswike.”—Reuters, Febuluwale 6, 2023.

Imyenzo itu ikawaya sana nga twabelenga malyasi ya musango uu. Ivyamusango uu nga vyacitika tukalondekwa uwazwilizyo ukufuma kuli Yeova uwaya a “Leza aakateekezya muli vyonsi.” (2 Kolinto 1:3) Lyonsi akatupeela “kuteekeziwa ukukafuma umu Malembo [pakuti] tuye nu upaalilo.”—Loma 15:4.

Muli Baibo tukasambililamo:

• Ivyasoowilwe apa vilundumusi.

• Kuno tungazana ukuteekeziwa nu upaalilo.

• Vino Yeova alafumyapo ukucula.

Pakuti mumanye vino Baibo ikasambilizya pa malyasi yaa, belengini ivipande vii:

• “Ivilundumusi Ivikalamba—I vyani Vino Baibo Yasoowile?”

• “Aekwi Kuno Ningazana Upaalilo?”

• “Leza Wasya Afumyepo Macuzi Yonsi”