Uzye Intaneti Akonona Umwaninu?—Vino Baibo Ingazwa Avyazi

Ya Dr. Vivek Murthy, U.S. surgeon general, yalanzile ukuti: “Indwala zya mu melenganyo zino acance yakulwala izivula sana ndakai, nupya ituzana ukuti icikulenga sana a intaneti.” Ukwafumile ivyeo —New York Times, Juni 17, 2024.

Uzye avyazi yangacita uli pakuti yacingilile ana yao uku ntazi zino yangakwata pa mulandu nu kuomvya intaneti? Muli Baibo mwaya ivingayazwa.

Vino avyazi yangacita

Lolini visinte vii vya muli Baibo.

“Uwa mano wene akawaka imipitile yakwe.”—Mapinda 14:15.

Pa mulandu uwakuti ukuomvya intaneti kukalenga ana aingi ukukwata intazi, avyazi yatalinzile ukwelenganya ukuti yalinzile sile ukuzumilizya ana yao ukuomvya intaneti. Lino mutatala mwazumilizya umwaninu ukuomvya intaneti, mulinzile ukusininkizya ukuti aatakula icakuti amamalanga insita ilinge pa intaneti, amatwalilila ukukwata ivyuza ivisuma, nupya atakutambanga nanti ukukutika uku vintu ivisi ningo lino akuomvya intaneti.

• Pakuti mumanyilepo na vyuze, belengini icipande icakuti “Should My Child Use Social Media?” ni cakuti “Teaching Your Teenager Social Media Safety.”

“Mwaomvya ningo insita.”—Efeso 5:16.

Ndi cakuti mwazumilizya umwaninu ukuomvya intaneti, mulinzile ukumupeela na masunde, nupya mulinzile nu kumulondolwela vino masunde yayo yangamucingilila. Mwaika mano uku miyele ino umwaninu angalangilila ingalenga mwiluke ukuti alinzile ukuta ukuomvya sana intaneti.

• Mungaomvya vidyo iyakuti Uwacenjela Lino Ukuomvya Intaneti pa kwazwa umwaninu ukumanya umulandu uno cacindamila ukukwata umwa kupeleela lino ukuomvya intaneti.

Manyilinipo na vyuze

Baibo ikalanda ukuti tukwikala “umu manda akusyalikizya” muno muli insita izitale. (2 Timoti 3:1-5) Nupya, yalanda na pali vino vingatwazwa lino tuli umu manda yaa. Ivipande ivikalanda pali Baibo ukucila pali 20 ivingazwa avyazi alino na ana mungavizana umu ciputulwa icakuti on teen mental health.