U Mulandu ci Uno Leza Watuumbiile?

Vino Baibo yalandapo

Iuzyo lii lino antu yakauzya sana yangalyuzya umu nzila izipusanepusane wakwe, U mulandu ci uno twayela pano nsi? nanti Uzye uumi wane wacindama? Baibo ikalondolola ukuti umulandu uno twayela pano nsi, u kuombela Leza. Lolini ivisinka vimwi vino Baibo yalandapo.

• Leza ali Kaumba witu. Baibo ikati: “[Leza] aliwe uwatuumvile.”—Masamu 100:3; Kusokolola 4:11

• Kwaya umulandu uno Leza waumbiile ivintu vyonsi, ukwikako sile naswe.—Ezaya 45:18.

• Leza watuumvile umu nzila yakuti ‘twalondesya vyakwe Leza,’ nupya pa vintu vivyo paya nu kulondesya ukuya nu umi usuma. (Mateo 5:3) Akalonda ukuti twaipakizya umi.—Masamu 145:16.

• Tukalanga ukuti tukalondesya vyakwe Leza ukupitila umu kukomya ucuza witu na aliwe. Nanti icakuti cingaloleka kwati tutanga tuye ya cuza yakwe Leza, Baibo ikatukomelezya ukuti: “Palamini kuli Leza, nawe alapalama kuli mwemwe.”—Yakobo 4:8; 2:23.

• Pakuti tuye ya cuza yakwe Leza, tulinzile ukulacita vino akalonda. Baibo ikalanda pali Kasambilizya 12:13 ukuti: “Uwaoopa Leza nu kuyela amasunde yakwe, pano acino antunze yaumbilwe.”

• Tulaipakizya uumi usuma uku nkoleelo wakwe viivi kwene vino Leza walondanga pa kutandika, lino alafumyapo ukucula konsi nu kupeela ya cuza yakwe kuli kuti antu aakamuombela uumi wa pe.—Masamu 37:10, 11.