U Mulandu ci Uno Antu Yakafwila?

Vino Baibo yalandapo

Caya sile ningo ukusakamala umulandu uno antu yakafwila, sana sana ndi cakuti umwi wino twatemwa sana wafwa. Baibo ikati: “Luoya lwa mfwa iifyo.”—1 Kolinto 15:56.

U mulandu ci uno antu yonsi yakaifizya nu kufwa?

Antu ya kutandikilapo, Adamu na Eva yafwile pa mulandu wakuti yapondikile Leza. (Utandiko 3:17-19) Imfwa yali sile ali cilambu cakwe ucipondoka wao kuli Leza, pano wene ali “intendekelo ya umi.”—Masamu 36:9; Utandiko 2:17.

Adamu wambukizyeko ana yakwe yonsi uluyembu. Baibo ikati: “Iifyo lingile muno nsi pa mulandu wa muntu wenga, nga ni iifyo lyakwe ilyaleta imfwa. Caleka, imfwa nayo yasalangine mu antu yonsi pano antu yonsi iifizye.” (Loma 5:12) Antu yonsi yakafwa pa mulandu wakuti yonsi yayembwike.—Loma 3:23.

Vino imfwa ilafumiziwapo

Leza walaya ukuti kulaya insita lino ‘alonona imfwa.’ (Ezaya 25:8) Pakuti akasisyepo imfwa, alinzile ukufumyapo icalenga kuye imfwa, kuli kuti uluyembu. Leza alacita vivyo ukupitila muli Yesu Klistu, wino “akafumya maifyo ya antu.”—Yoane 1:29; 1 Yoane 1:7.