Futunoti

a Umutumwa Paulo wakomelizye ya kapepa yauze ukukanaleka insi ii iipe ukuyatungulula. Vino walanzile vingatwazwa naswe kwene ndakai. Tulinzile ukusininkizya ukuti insi ii iipe isikututungulula umu nzila ili yonsi. Pakuti tucite vivyo, tulinzile ukutwalilila ukusenula amelenganyo itu lyonsi lino twamanya ukuti vino tukwelenganya visikuzanzya Leza. Umu cipande cii tumalanda pali vino tungacita vivyo.