Ezekeli

15 Nupya kwene Yeova wanenyile ati: 2 “We mwana wa muntu, uupusano ci uwaya pa muti uwa myangazi ni miti yuze nanti nu musambo wa miti ya mu mutengo? 3 Uzye icimuti ca ku mwangazi cingaomviwa? Nanti uzye antu yangapangilako utwa kukowekako iviya? 4 Yakacipemba pa moto, nu moto ukacoca consi suka uku mpela. Uzye lyene cingalinga ukuomviwa uku mulimo uli onsi? 5 Ndi cakuti lino cicili icipuma cisiomviwa uku mulimo uli onsi. Nga lyene ndi cakuti capya, alino cingaomba?

6 “Fwandi Yeova Umwene wa Papelapela walanda wati: ‘Wakwe viivi kwene vino umuti wa myangazi yakaufumya umu mutengo nu kupembelako umoto, avino ndacita nu ku yantu ya mu Yelusalemu. 7 Iinjakana. Iyutuka umoto lelo ulayoca. Nupya mulamanya ukuti nene Yeova lino ndayakana.’”

8 “‘Nupya ndalenga impanga ukusyala umwaula icili consi pano yataaya ni cisinka,’ avino Yeova Umwene wa Papelapela walanda.”