Watchtower LAIBULALE UWA PA INTANETI
Watchtower
LAIBULALE UWA PA INTANETI
Cimambwe-Lungu
  • BAIBO
  • MPAPULO
  • KULONGANA
  • Zekaliya 10
  • Baibo Uwa Malembo ya Nsi Ipya

Kutaaya vidyo pali vino mwasoolola

Awe icumi catala, vidyo wakaana ukuloleka

Ivili Muli Zekaliya

      • Kulenga imvula kuli Yeova asi kuli ya leza ya ufi (1, 2)

      • Yeova walemanya antu yakwe (3-12)

        • Muntu mucindame ukufuma umu ng’anda yakwe Yuda (3, 4)

Mabaibo na Yauze

Tinikini pa cikomo pakuti mulole ivikomo ivikolineko
  • Baibo Uwa Malembo ya Nsi Ipya
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
Baibo Uwa Malembo ya Nsi Ipya
Zekaliya 10:1-12

Zekaliya

10 “Lengini imvula kuli Yeova mu nsita ya mvula ya kushalikizya.

Yeova aakalenga ukuya ma kumbi ya mvula,

Aaliwe akapongolwela imvula pa yantu,

Nu kumezya vimelwa mu vyalo kuli yonsi.

 2 Pano vilubi vyakwe telafimu vikalanda ufi;

Na aakasowela yakalola ivilolwa vya ufi.

Yakalanda pa viloto vya sile sile,

Nupya yakaezya ukuteekezya antu lelo kusi aakateekeziwa.

Ali mulandu uno yalaapitanila wa mfwele.

Yalacula pano kutaaya kacema.

 3 Ndasokela sana yakacema,

Nupya ndapingula intunguluzi izikacuzya antu;

Pano Yeova wa maumba wataika mano ku mfwele zyakwe kuli kuti ku ya mu ng’anda yakwe Yuda,

Nupya watayalenga ukuya wa mfwalasi yakwe iya maka nupya iya lulumbi umu ulwi.

 4 Kuli aliwe u kukafuma umuntu mucindame,

Kuli aliwe u kukafuma kateeka,

Kuli aliwe u kukafuma ulapwa wa mu ulwi;

Nupya kuli aliwe u kukaya intunguluzi zyonsi, yonsi kwene akuno yakaya.

 5 Yalaya wa yasilika,

Yalalyatoola matipa mu miseo mu ulwi.

Yalalwa ulwi pano Yeova aali nayo;

Nupya aakakwela pa mfwalasi yalazewana.

 6 Ndalenga amu ng’anda yakwe Yuda ukuya acindame,

Nupya ndapususha amu ng’anda yakwe Jozefu.

Ndayawezya uku mpanga yao,

Pano ndayuvwila uluse;

Nupya yalaya kwati ntatazile njakanepo;

Pano nene Yeova Leza wao, nupya ndayasuka.

 7 Aamuli Efulemu yalaya wa yasilika ya maka,

Nupya yalasansamuka wakwe yano iyamwa waini.

Ana yao yalalola vii nu kuzanga;

Yalasansamukila muli Yeova.

 8 ‘Ndayakuwila muluvi nu kuyakolonganika pamwi;

Pano ndayakala nupya yalavula,

Yalatwalilila ukuvulilako.

 9 Nanti cakuti ndayasalanganyizizya umu yantu wa mbezu,

Yalanjiusha umu ncende zya kutali zino yalayako;

Yene pamwi na ana yao yalakwata maka nupya nu kuwela.

10 Ndayawezya ukufuma uku mpanga ya Ijipti

Nupya ndayakolonganika ukufuma umu Asilya;

Ndayatwala umu mpanga ya Gilyadi nu mu Lebanoni,

Nupya kuuku kutalaya incende iyakuti ikalemo.

11 Alapita pali yemba nu kulenga manzi kucula;

Nupya aluuma maimbi ya pali yemba;

Manzi yonsi amu Luzi Lwa Naelo yalakama.

Cilumba cakwe Asilya cilasila,

Ni ntuwa yakwe Ijipti ilafumapo.

12 Ne Yeova ndayalenga ukuya acindame,

Nupya yalaapitila umwi zina lyane’, avino Yeova walanda.”

Impapulo Zya Cimambwe-Lungu (2009-2025)
Fumini
Ingilini
  • Cimambwe-Lungu
  • Tumiliniko Yamwi
  • Vino mukulonda ukucita
  • Copyright © 2025 Watch Tower Bible and Tract Society of Pennsylvania
  • Masunde pa Miomvezye
  • Kusunga Inkaama
  • Privacy Settings
  • JW.ORG
  • Ingilini
Tumiliniko Yamwi