Cilupungu ca Babeli

Pa cisila cakwe Mulamba Mukalamba, ana yakwe Nowa yakweti ana aingi. Indupwa zyao zyakuzile, nupya yatandike ukusalangana umu nsi yonsi, wakwe vino Yeova wayanenyile ukucita.

Lelo aa mu ndupwa zimwi yene, yaatuvwilile Yeova. Yatiile: ‘Lekini tuikuulile umusumba nu lupungu pakuti twaikalamo. Tumakuula icilupungu icitali sana ukufika nu mwi yulu. Nga twacita vii tulalumbuka.’

Yeova ataatemilwe vino antu yaya yacitanga, fwandi wasolwilepo ukuyalesya. Uzye watumanya vino wacisiile pa kuyalesya? Walenzile yatandike ukulanda indimi zipusanepusane. Pa mulandu wakuti yalesile ukuvwa vino cila muntu akulanda, yatiile ukukula icilupungu. Musumba uno yakuulanga yatandike ukuwama ukuti Babeli icikasenula ukuti: “Cimvulunganya.” Antu yatandike ukusalangana nu kwikala mu ncende izipusanepusane pano nsi. Lelo yatwalilile ukucita iviipe nu mu ncende kwene muno yaile iikala. Uzye pa nsita kwene iya kwali antu yamwi aatemilwe Yeova? Tulalola vivyo umu cipande icilondelilepo.