VINO SWE INA KLISTU TWAAYA
Mwaiusya Ukupepelako Aina Klistu Aakazunyiwa
Baibo yasowile ukuti Satana alaatuzunya pakuti atulesye umulimo wa kusimikila. (Yoa. 15:20; Umbw. 12:17) Uzye tungavwilizya uli Aina Klistu yanji aku mpanga zyuze yano yakazunya? Tungayapepelako. “Ipepo lya muntu wino akacita vyawololoke lyakwata maka cuze.”—Yako. 5:16.
I vyani vino tungalanda umwi pepo? Tungapepa kuli Yeova ukuti avwe aina itu na ya nkazi ukuya asipe pakuti yatauvwa intete. (Eza. 41:10-13) Tungapepelako ni ntunguluzi zya mu uteeko ukuti zitemwe umulimo wa kusimikila, pakuti “swensi twaikala umi usi wa cimvulunganya nupya uwa mutende.”—1 Tim. 2:1, 2.
Lino Paulo na Petulo yayacuzyanga, Aina Klistu aaliko pa nsita iiya yayapepelangako nupya yayalumbulanga na mazina. (Mili. 12:5; Loma 15:30, 31) Nanti cakuti tutamanyile mazina yako yonsi yano yakuzunyiwa ndakai, uzye tutanga twalumbula sile nanti ivilongano muno yaya, impanga nanti vitungu kuno iikalila?