Uzye Alwani Yakwe Leza Aweni?

Mulwani mukalamba wakwe Leza a Satana Ciwa. Wene iciumbwa ca mupasi wino wasangukiile Yeova. Satana acili akalwisya Leza, kapya akaleeta malanda pa yantu. Satana umwipe. Uwa ufi kapya inkomi.—Yoane 8:44.

Na yauze aali angeli mpiti yasangukile Leza wakwe vino Satana wacisile. Muli Baibolo yakayama yakuti iviwa. Iviwa vii ivilwani vya yantu, wakwe vino na Satana waya. Vyatemwa ukucuzya antu. (Mateo 9:32, 33; 12:22) Yeova alonona Satana ni viwa vyakwe pe na pe. Vyasyala sile na kasita kanono ka kucuzya antu.—Uumbwilo 12:12.

Ndi mukulonda ukuya cuza wakwe Leza, mutacita vino Satana akalonda kuti mwacita. Satana ni viwa yapata Yeova. Alwani yakwe Leza, kapya yakalonda kuti namwe kwene muye umulwani wakwe Leza. Mulinzile ukusolola wino mumazanzya—nda Satana nanti a Yeova. Ndi mukulonda uumi wa pe, mulinzile ukusolola ukucita vino Leza akalonda. Satana wakwata imicenjelo ni nzila zya kuzyatikilamo antu izingi. Wazyatika antu aingi.—Uumbwilo 12:9.