LWIMBO 111
Ivikalenga Twaya ni Nsansa
1. Vikalenga twaya ni nsansa
Vikavulilako sile.
Antu yano Leza watemwa
Yakwiza twapepa nayo.
Ni calenga twazanga cuze
Izwi Lyakwe Leza witu.
Cila wanda tukawelenga
Nu kucita vino tuvwa.
Kusi angatupoki nsansa
Pano zyalimbu mu myenzo.
Nanti tungaponelwa mavya
A Yeova akatwazwa.
(MAZWI YA KUSWILIZYAPO)
Yeova i nsansa zitu,
Twatemwa vino waumba.
Wakwata mano, na maka cuze,
Kapya waya ningo cuze!
2. Tukalola vino wapanga,
Mayulu, insi, na yemba.
Nga twalola vino waumba,
Tukamulumbanya cuze.
Acino tukasimikila
Pa Wene Wakwe Yeova.
Tukakosola pa Wene uu
Na vino wasya ucite.
Likwene twasya tukululwe;
Vipe vyonsi vilasila.
Insi na mayulu ivipya
Vilaatuzanzya manda pee.
(MAZWI YA KUSWILIZYAPO)
Yeova i nsansa zitu,
Twatemwa vino waumba.
Wakwata mano, na maka cuze,
Kapya waya ningo cuze!
(Lolini na Malan. 16:15; Eza. 12:6; Yoa. 15:11.)