Mwaomvya jw.org Lino Mukusimikila

Webusaiti witu akatwazwa sana ukusalanganya ilandwe lisuma “kufika na kuno insi yapela.” (Mili. 1:8) Aingi yano tukasimikila yatanga yazane Webusaiti wa jw.org, suka sile ndi twayalanga ivya kucita.

Mwangalizi umwi aakatandalila ivilongano wakopolola vidyo iikati U Mulandu ci Uno Mulinzile Ukusambilila Baibo? pali foni yakwe, lyene ala akutambisya antu. Nga akuya umu kusimikila ku ng’anda ni ng’anda, akaneena yano akusimikila ati: “Mfumile nkwazwa antu kuzana amasuko ku mauzyo yatatu aacindame aakuti: I cani cino kwayela iviipe? Uzye Leza alaziifya uli ivintu? Nupya tungatwalilila uli ukuzizimizya? Vidyo yii iipi ikulangilila vino mauzyo yaa yangasukwa.” Lyene akatambisya vidyo kuli wino akusimikila, alino akalola wino akusimikila ndi cakuti atatemwa vidyo nanti foo. Vidyo yii, yaziipa cakuti aingi yasiita nu kulolapo lino yakutamba. Lyene umwangalizi wii akati: “Wakwe vino muvwa, mungaleenga pa Intaneti kuti mwasambilila Baibo. Nomba pa mulandu wa kuti apano indi, limwi ningamulangilila ivya kusambilila Baibo.” Wino akusimikila ndi wazumila, akamulangilila ivya kusambilila Baibo mu kabuku kakuti Ilyasi Lisuma. Wino akusimikila nga atakweti insita, akamuuzya ngi cakuti angaswililako lyuze. Vikwene ali vino akacita uku yantu yano ali nayo pa nsita ya kupuuza lino akumwa kofi muno yakakazya. Uzye lino mukusimikila mukaomvya Webusaiti wa jw.org?