“Cindika So na Nyoko”

Lino Yesu wali pano nsi, walanzile sana api sunde lyakuti: “Cindika so na nyoko.” (Kufu. 20:12; Mate. 15:4) Yesu afwile walandanga sana na avyazi yakwe pa mulandu wakuti ‘watontelanga’ akwasi yakwe kufuma lino wali umwance. (Luka 2:51) Lino wakuzile, wapekinye ningo vino nyina wali nu kusakamalwa ndi cakuti wafwa.—Yoa. 19:26, 27.

Na ndakai kwene, Aina Klistu acance yakauvwila avyazi yao nu kulanda nayo nu mucinzi. Icisinka icakuti isunde lya kucindika akwasi lisisila. Nanti icakuti avyazi itu yakota, tulinzile ukutwalilila ukuyacindika nu kusambililako ku vintu ivingi vino yamanya. (Mapi. 23:22) Nupya tukasakamala avyazi itu akoloci nga tukuyacitila vino yakulondekwa, wakwe muli vino yakuyuvwa nu kuyapeela ulupiya. (1 Tim. 5:8) Nampo nga sweswe yance nanti aikolo, nga twatwalilila ukulanzyanya ningo na avyazi itu ale tukulanga ukuti twayacindika.

TAMBINI KAVIDYO KAKULEENGA KAAKUTI NINGAALANZYANYA ULI NA AVYAZI YANE? ALINO MWASUKE MAUZYO ALONDELILEPO:

• U mulandu ci uno limwi cingakutalila ukulanda na avyazi yako?

• Uzye ungalanga uli ukuti wacindika avyazi yako lino ukulanda nayo?

  

• Uzye u mulandu ci uno cacindamila sana ukulalanda na avyazi yako? (Mapi. 15:22)