Mutaacita Ivingalenga Mwifye Nanti Ukulenga Yauze Ukwifya

Yesu waomvizye ivilangililo ku kulangilila ningo vino cacindama ukukanaifya nanti ukuleka yauze ukwifya.

18:6, 7

• “Kulenga yauze ukwifya” kungaya u kucitila umwi cintu citazifile, icingalenga afilwe ukuomba ningo nanti afilwe ukutwalilila ukuya ni miyele isuma.

• Umuntu aakalenga muntu muze ukwifya cingamuzipila kumunyepelela iwe lya kusiila likulu mu nsingo, nu kuleka amwele muli yemba

18:8, 9

• Yesu wakomelizye asambi yakwe ukusisya icintu icicindame wi kasa nanti ilinso ndi cakuti vikulenga yauze ukwifya

• Cazipa ukuleka ukucita icintu cino twatemwa pakuti tukingile umu Wene Wakwe Leza kuluta kutwalilila ukucita icintu cico icingalenga tukasumbwe mu Gehena, icikasenula ukononwa kwa pe

I vyani vimwi vino limwi ningacita ivingalenga ukuti nifye alino na yauze, nupya ningacita uli pakuti citaya vivyo?