Kuomba Ningo Umulimo Wa Kusimikila​—Vino Mungazwa Aaya “Nu Mwenzo Wakulondesya Ukuya nu Umi wa pe” Ukuya Asambi

CINO CACINDAMILA: Yeova aakalenga kuti icumi cino tukaata cikule mu myenzo ya yantu aakwata “mwenzo wakulondesya ukuya nu umi wa pe.” (Mili. 13:48; 1 Kol. 3:7) Tukaombela pamwi nawe ngi cakuti tukwika amano mu mulimo kuli yao aakaombela pali vino yakusambilila. (1 Kol. 9:26) Asambi ya Baibo yafwile ukuvwikisya ukuti uluwatizyo ulwa ina Klistu lwacindama sana ku yantu aakulonda ukwizapusuka. (1 Pet. 3: 21) Tungayazwa ukuya asambi nga tukuyasambilizya vino yangasenula umi wao, vino yangasimikila nu kusambilizya antu, na vino yangapeela umi wao kuli Yeova.—Mate. 28:19, 20.

IVYA KUCITA AEVI:

• Mwaiusyako asambi ya Baibo ukuti cino mukasambililila u kuyazwa ‘ukumanya’ Yeova nu kuti yamuzanzya.—Yoa. 17:3.

• Pakuti yalunduluke muli ukapepa, mwayazwa ukumanya ivya kucita pa kucimvya intazi wakwe imisango iipe alino ni vyuza vipe

• Mwayakomelezya lino yatatala yawatiziwa alino na pa cisila ca kuwatiziwa kwene.—Mili. 14:22

TAMBINI VIDYO IYAKUTI YEOVA ALAMWAZWA, LYENE APA CISILA MWASUKE MAUZYO AALONDELELAPO:

• I vyani vino antu yakatiina ivikalenga yataipeela kuli Yeova nu kuwatiziwa?

• Uzye ya eluda yangazwa uli asambi ya Baibo ukulunduluka muli ukapepa?

• I vyani vino Ezaya 41:10 ikatusambilizya pali Yeova?

• I miyele ci ilatwazwa ukuombela Yeova ningo, nanti cakuti tutamalilika?