ISAMBILILO 1

Amazwi Akutandikilako Asuma

Milimo 17:22

IVILI UMWI SAMBILILO LII: Amazwi ya kutandikilako yalinzile ukulenga ya kakutika ukulondesya ukuvwa nupya mulinzile ukulanda cino ilyasi likulandapo, nu kulanga umulandu uno ya kakutika yalinzile ukwikilako sana mano.

IVYA KUCITA:

Avwini aakukutika ukuti yalondesya ukuvwa. Mwasoolola iuzyo, amazwi, ivintu vya cumi ivyacitikiile umwi, nanti ilyasi pali vimwi ivyativicitika lino antu yangatemwa.

Mwaelenganyizya calimwi pali vino yano mukulandako yatemwa ni vikayasakamika alino nu kuviomvya lino mukutandika ilyasi.
Avwini aakukutika ukumanya icikulandwapo. Mwasininkizya ukuti amazwi yakutandikilako yaalenga yano yakukutika ukuvwikisya icikulandwapo alino nu mulandu uno mukucilandila.
Langini umulandu uno ilyasi licindamiile. Mwalanda ivyeo ivingazwa ya kakutika. Yalinzile ukuvwikisya vino ilyasi lingayazwa cila muntu.

Lino mukupekanya ilyasi, mwayuzya imuti, ‘i vyani ivikacitikila aina na ya nkazi umu cilongano ci?’ Lyene landini ivyeo vya kutandikilako ivingayazwa.