Kuomvya Ningo Mauzyo

Mateo 16:13-16

IVILI UMWI SAMBILILO LII: Mwauzya mauzyo asuma pakuti ya kakutika yangatwalilila ukuvwa, mwalanda ivyeo ivisuma kuli ya kakutika, nu kulanda sana pa visinka ivicindame.

IVYA KUCITA:

• Azwini ya kakutika ukutwalilila ukuuvwa. Mwauzya ya kakutika amauzyo aangayazwa ukwelenganya nu kulondesya ukumanya ivyasuko.

• Ukulanda ningo ivyeo ivili umwi lyasi. Mwaazwa ya kakutika ukuvwikisya ivikulandwapo lino mukuomvya mauzyo aangayazwa ukumanya ningo ivyeo vino mwalandapo.

• Azwini ya kakutika ukuvwikisya ivisinka ivicindame. Mwauzya iuzyo ilisuma pa kulanda icisinka. Mwaomvya mauzyo akupitulukamo pa cisila ca kulanda icisinka nanti lino mukumalilila ukulanda ilyasi.