ISAMBILILO 10

Ukusenula Imyuvwikile yi Izwi

Mapinda 8:4, 7

IVILI UMWI SAMBILILO LII: Mwalanda ivyuvwike nupya mwasenula iciunda, imyuvwikile yi izwi, nu musenselo.

Ukusenula iciunda. Mwakuzya iciunda pa kulanda ivisinka nu kucincizya ya kakutika. Mwacita vivyo kwene lino mukuwelenga ilyasi lya muli Baibo ilyayamo upinguzi. Mwawezyako iciunda pakuti ya kakutika yalondesya ukuuvwa na lino mukulanda pa vintu vya kutiinya nanti ivya kusakamika.

Mutaakuzya iciunda ilingi pakuti ya kakutika inu yatauvwa kwati mukuyakalipila. Mutaaleka antu yaika sana mano kuli mwemwe pa mulandu nu kusenula sana izwi na patalinzile.
Mwasenula imyuvwikile yi izwi. Ndi cakuti cili sile ningo umu lulimi lwinu, mwalanda ni izwi lya papela pa kulanda ivya kucincizya nanti pa kulanda pa ukulu wa cintu nanti intamfu. Mwalanda ni izwi lya pansi pa kulanda ivya ulanda nanti ivya kusakamika.
Mwasenula umusenselo. Mwakalauka pa kulanda ivya kuzanzya. Mwawezyako umusenselo lino mukulanda ivisinka ivicindame.

Pakuti mutaazungusya ya kakutika inu, mutaasenula umusenselo ukwaula ukwenekela. Mutaakalauka sana icakuti na vino mukulandapo ivikana ukuvwika.