ISAMBILILO 15

Ukulanga Ukuti Mwazumila Umu Vyeo Vino Mukulandapo

1 Tesalonika 1:5

IVILI UMWI SAMBILILO LII: Langini ukuti vino mukulandapo i vya cumi nupya ivicindama.

Mwapekanya sana. Mwapituluka umu vyeo mpaka imuvwikisya ucindami wa vyeo vivyo na vino Baibo ikalanga ukuti i vya cumi. Ezyini ukulanda ivisinka vikalamba umu mazwi anono sile nupya angupale. Sumbini sana mano pali vino vingazwa ya kakutika inu. Mwapepa kuli Yeova pakuti amupeela umupasi wa muzilo.

Pitulukini umu vyeo ala mukuvwanga pakuti muviyelezye nu kuzifyako imilandile.
Omvyini amazwi aakulanga ukuti mwazumila umu vyeo vivyo. Mutaalanda sile amazwi wakwe vino yalembwa umu mpapulo, mwaomvya amazwi inu. Mwalondolola umu nzila yakuti iciloleka ukuti imumanya vino mukulandapo.
Mwalanda umwi izwi lyuvwike. Mwalola antu yano mukulandako, ndi cakuti ukucita vivyo kutanga kuyasosye

Mwaiusya ukuti ukulanga ukuti mwazumila umu vyeo vino mukulandapo kwapusana nu kulanda sile vino mukwelenganya, ukwaula nu kwika mano kuli vino mukulanda, nanti ukupatikizya yano mukulandako ukucita vimwi. Na lino mukulanda nu ufumacumi, mwalanda umu nzila isuma kuli ya kakutika inu.