Uzye Muli Leza Wenga Mwaya Aeneco Yatatu

Vino Baibo yalandapo

Aingi akati Aina Klistu yakasambilizya ukuti muli Leza wenga mwaya aeneco yatatu. Nomba nanti ciye vivyo, ibuku limwi (Encyclopædia Britannica) likalanda ukuti: “Pataya nanti apamwi mu Upangano Upya pano pakazanwa amazwi yakuti Aeneco Yatatu Muli Leza Wenga nanti ulondolozi wa mazwi yayo . . . Icisambilizyo cii ica ufi casalangana mu mpanga izingi.”

Nupya, Leza umwineco wakwe Baibo aatailondololapo ukuti Wayamo Aeneco Yatatu. Lolini vino amalembelo yaa yakalanda:

“Yeova Leza Witu Ali Yeova Wenga Sile.’—Malango 6:4.

“Yangala yamanye nu kuti awewe sile wenga ukaamwa Yeova, nupya wenga mpo. Wewe uli Leza Wapapelapela umu nsi yonsi.’—Masamu 83:18.

“Umi wa pe uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.”—Yoane 17:3.

“Kwaya sile Leza wenga.”—Galatiya 3:20.

U mulandu ci uno antu aingi akati Aina Klistu yakalandila ukuti Muli Leza Wenga Mwaya Aineco Yatatu?